- por GaZeta
O mércores 28 de outubro, a partires das 21h e ata as 6h da mañá cortarase o tráfico na praza da Ferraría e nas súas inmediacións por mor da rodaxe da serie de Amazon “Un asunto privado”. Trátase de un dos escenarios nos que a produtora Bambú está gravando varias escenas desta serie na cidade de Pontevedra e que implican varios cortes de tráfico nocturnos en áreas do centro histórico entre mañá e o venres.
Tamén na tarde-noite de mañá, entre as 17h e as 4h, se cortará o tráfico na rúa do Barón e nas súas inmediacións, mentres que o xoves 29 o corte afectará á praza do Teucro e será en horario de 19:30h a 7h. O venres, o corte afectará ás rúas das inmediacións da avenida Montero Ríos e será entre as 20h e as 7h.
Todos os cortes de tráfico estarán indicados a través de sinalización e de persoal do equipo da produtora.