Premio Especial Márgenes  ao Cinema Independente que se concede no marco da décima edición do certame.

Oliver Laxe (París, 1985) é sen dúbida una das irrupcións máis cegadoras acontecidas no panorama cinematográfico español nas últimas décadas. O seu magnético debut, Todos vós sodes capitáns (2010), galardoado co Premio FIPRESCI no Festival de Cannes, marcou un punto de inflexión no cinema español recente. A película converteuse nunha referencia indispensable e contribuíu de forma decisiva a dar visibilidade a un conxunto de creadores que coa súa maneira libre e audaz de entender o cinema conseguiron sacudir e alargar o panorama cinematográfico español.

A súa segunda longametraxe, esa conmovedora viaxe física e espiritual maxistralmente narrado en Mimosas (2016), consolidou o seu idilio co Festival de Cannes, sendo recoñecido nesta ocasión co Gran Premio da Semana da Crítica. Co terceiro e máis recente, O que arde (2019), logrou o máis difícil aínda, axuntar premios e galardóns nacionais e internacionais (Premio do Xurado Un Certain Regard no Festival de Cannes, Premios Goya á Mellor Fotografía e á Actriz Revelación, preseleccionada para os Óscar…), a bendición unánime da crítica e o respaldo de público. Máis de 100.000 espectadores asomáronse ao fascinante universo da Galicia rural que de forma hipnótica retrata a película.

A existencia do Festival Márgenes correu en paralelo á filmografía de Oliver Laxe. Mimosas, foi a película inaugural da sexta edición do certame. Con este galardón o festival rende un merecido tributo a un cineasta imprescindible cuxa obra, repleta de beleza e intensidade, entronca coa doutros grandes heterodoxos e reconcílianos, dalgunha maneira, co cinema entendido como un feito cultural e artístico afastado do mero entretemento.

Fonte: Festival Márgenes