As campás constitúen  un patrimonio tanto material como inmaterial.

Material por seren un fermoso instrumento musical feito de xeito artesanal. Inmaterial polo seu son que chega a todos os veciños e porque funcionaron, e aínda funcionan, como un medio de comunicación. Tamén porque gardan inscricións onde se dá conta de distinta información como o artesán que as fixo, o ano de fabricación, advocacións relixiosas e outros datos históricos.

Pero as campás son unhas grandes descoñecidas. Como o acceso a elas, loxicamente, non é doado, esta páxina pretende achegar o coñecemento das campás do Camiño ao público en xeral. Tamén dá a coñecer algúns toques empregados polos campaneiros para  avisar a comunidade de certos acontecementos.

Dende esta páxina, clicando nos marcadores do mapa ou no listado posterior, poderás ver fotografías, datos e inscricións das campás da localización elixida. Tamén poderás escoitar o seu son.

En certas páxinas  atópanse imaxes doutros elementos como reloxos mecánicos ou carillóns, ademais de fermosas vistas dende os campanarios.

Fonte: Baladadas