As consellerías de Cultura e Medio Ambiente da Xunta de Galicia están a promover a declaración da illa de Sálvora como Ben de Interese Cultural.
Segundo a Xunta, a illa cumpre os valores precisos para a declaración tanto desde o punto de vista natural (é reserva de diferentes especies tanto da flora como da fauna) como cultural (contén un conxunto de arquitecturas da sociedade agraria e mariñeira do século XIX e XX).
A declaración BIC non supón un maior investimento na illa, senón unha maior regulamentación nos accesos e nos traballos de recuperación que nela se efectúen.
Fonte: Cultura Galega
Publicado 6 febreiro 2017
