O Concello de Pontevedra abre o prazo de inscrición para participar no Concurso dos Maios que terá lugar, como cada ano, na praza da Ferrería na mañá do 1 de Maio. O prazo estará aberto até o 26 de abril.
Os participantes competirán en catro modalidades: Maio tradicional, cantigas, interpretación e mellor coroa. Haberá catro premios por categoría ademais dun premio especial do xurado.