Por primeira vez, despois de 80 anos, as personalidades literarias de Galicia que foron vítimas da brutal Represión do 36, son homenaxeadas na Terra.
Nesta ocasión nun acto que organizan dúas institucións culturais (a Real Academia Galega e a Fundación Otero Pedrayo) e un Concello, o de Amoeiro, ó que pertence Trasalba, onde don Ramón escribiu páxinas excelsas e chorou, en páxinas inesquecibles, ós amigos represaliados, algúns asasinados : Alexandre Bóveda, Ánxel Casal, Castelao…
Palabras de benvida
- →Víctor F. Freixanes, presidente da Fundación Otero Pedrayo
- →Rafael Rodríguez Villariño, alcalde de Amoeiro
Disertacións sobre os académicos
- →X. Alonso Montero, presidente da Real Academia Galega, Ramón Otero Pedrayo despoxado da súa cátedra
- →Henrique Monteagudo, secretario da Real Academia Galega, Castelao: represión e espolio dos seus bens
Actuación musical
Guerra Civil e literatura
- →María Xosé Queizán, O 36, inicio da traxedia familiar
- →Gregorio Ferreiro Fente, Eduardo Blanco Amor, en defensa e ilustración da Segunda República
- →Dolores Vilavedra, A narrativa galega e o novo relato sobre a guerra
Recitan poemas “ad hoc”
→Afonso Vázquez-Monxardín, “A Estadea” ou “Pranto polo Seminario de Estudos Galegos” (fragmento)
→Luís González Tosar, “Bóveda en Otero”
→María do Cebreiro, “O que nós sentimos está para alen das árbores”
→Carmen Blanco Ramos, Clodomiro Montero e Patricia A. Chachero, len unha triloxía de dous poetas satíricos no exilio porteño en 1940
Publicado 13 Xullo, 2016
