O primeiro andar do mercado de abastos encherase de novo de moda, arte e deseño o vindeiro sábado 13 de abril. Unha nova edición de Sétima Feira, o mercado alternativo de Pontevedra, ocupará este espazo renovado, a “súa sede natural” como o ten definido a concelleira de Promoción Económica, Anabel Gulías.
A cita coa Sétima Feira incluirá, como é habitual, actuacións musicais, obradoiros infantís e oferta gastronómica.
As persoas que se acheguen o sábado até o primeiro andar do mercado, de 11.00 a 15.00 horas, atoparanse coas propostas das seguintes firmas:
- Beeh Sweet
- CULEBRA
- DAS MIÑAS MANS
- GuiBag
- Índica & Nórdica
- LaChapera
- Más De Campo Que Las Amapolas
- Mico Textil
- Mundaya
- Noaltodopoleiro
- Sariusvecouture
- Sucede
- TAYONE
- Wakau Atlantic Coast
A música estará presente na vindeira edición de Sétima Feira da man de Rebel Spirit, Alan e Estudo Bonobo DJs e a oferta gastronomía da de Cookela.
Como sempre a cativada ten o seu oco neste mercado alternativo de moda e arte. SétimaInfantil proponlles nesta ocasión un obradoiro de creación e gravación de música electrónica. Haberá catro quendas, cada unha delas de 45 minutos, a partir das 11.00 horas.
O obradoiro infantil é de balde. A participación é por inscrición no email setimafeira@pontevedra.gal indicando os vosos datos e a quenda correspondente ou por orde de chegada o día da actividade.
