A Concellería de Igualdade, que dirixe Carme Fouces, informa que a Aula de Teatro do CIM de Pontevedra estrea un novo espectáculo o vindeiro venres 25 de xaneiro no Teatro Principal. O pano subirase ás 21.00 horas para a representación de dúas pezas O Atraco e o Convento.
A entrada ao espectáculo da aula teatral do Centro de Información e Asesoramento á Muller é de balde até completar aforo. As entradas poderán retirarse da billeteira do Principal dende unha hora antes do inicio da representación, dende as 20.00 horas.
