Chega o segundo sábado de mes e con el unha nova cita con Sétima Feira no 1o andar do mercado de abastos. Moda, deseño e arte e tamén música, gastronomía e obradoiros para nenos e nenas converterán encherán de vida este espazo o vindeiro 11 de maio, de 11.00 a 15.00 horas.
A participación no fervedoiro creativo infantil é de balde mais con previa inscrición a través do enderezo setimafeira@pontevedra.gal ou por orde de chegada. Neste ocasión os nenos e nenas, de 6 a 12 anos, enfrontará a gravación de spots publicitarios de produtos da praza de abastos. Haberá catro quendas de 45 minutos cada unha: ás 11, 12, 13 e 14 horas.
Os postos que exporá e porá a venda os seus produtos son os seguintes
- Armonet
- Amorote printing workshop
- Ceibe Handmade
- Aída Donoso
- Estrellas o limones
- Jerolas
- Jorecreques ” arte con mis manos”
- JOSE BARREIRO ART
- Leónlagata
- LOIRA
- Milena Colella
- PAPP UV
- Racataplan
- Semente Pontevedra
Por outra banda a música de Joao Tomba e a ”pinchada” de O Fillo de Fiusa arroupará o mercado de moda, deseño e arte no que tamén ten cabida a gastronomía.
Sétima Feira é unha iniciativa da Concellería de Promoción Económica e da Cidade, dirixida por Anabel Gulías que ten como finalidade dinamizar a escena creativa da vila, favorecendo un espazo para o emprendemento creativo, e apostando pola colaboración entre os creadores emerxentes e o comercio local.