A torre do Cabo Silleiro define a liña de costa entre As Cíes e A Guarda, no sur de Galicia. Desde a estrada C-550 pódense observar tanto o faro actual como o antigo. O faro novo está composto por unha torre branquivermella e o vello son as ruínas dun edificio de sillería.
O antigo faro
O antigo faro tiña unha soa planta de 168 metros cadrados, rectangular, igual que a súa base que estaba cimentada na roca.
A torre, de granito, cun primeiro corpo cadrado e os dous últimos octogonales, xurdía da fachada mariña co pedestal encaixado no muro, rematada por un balconciño e cunha lanterna poligonal con cristais planos.
Luciu por primeira vez o 31 de marzo de 1862, cunha lanterna e óptica Sautter e unha lámpada moderadora, de émbolo e peso.
O faro actual
Foi proxectado en 1887, pero non se terminou até mediados do século XX, cando o antigo faro de Silleiro cumpría case cen anos. O moderno non comezou a funcionar até agosto de 1924.
Elixiuse unha localización próxima á punta das Negras a 240 metros da beira do mar, onde se alzou un edificio con capacidade para catro vivendas e dúas plantas en forma de U.
A torre é tronco-piramidal e identificada por dúas franxas vermellas. Seis anos despois da súa inauguración recibiu un revestimento de azulexo branco. A súa luz é branca e alcanza as 30 millas.
