Foto©Porgaliciabaixo
O Complexo Dunar de Corrubedo e Lagoas de Carregal e Vixán foi declarado Parque Natural en 1992, e se queres ir visitalo terás que allegarte ao municipio de Santa Uxía de Ribeira (A Coruña), aínda que está lindando coa provincia de Pontevedra, xusto entre as rías de Arousa e a de Muros e Noia.
Ten preto duns dez mil hectáreas de superficie, a cal sofre e benefíciase do clima atlántico nesta parte da costa, así teremos que como efecto do mesmo, fórmase a famosa gran duna móbil dunha decena de metros de alto, cunhas dimensións de aproximadamente uns mil metros de longo por uns douscentos de ancho e , que se vai “deslizando” ano tras ano uns poucos centímetros terra dentro.
Goza de diferentes graos de protección, ademais de Parque Natural, conta co rango de LIC (Lugar de Importancia Comunitaria), ZEPA (Zona de Especial Protección para as Aves), e RAMSAR (Convenio Internacional sobre os humidais).
Precisamente a meteoroloxía da que falabamos antes, por unha continuada acción do vento e mar, xeraron ademais da famosa duna móbil, os humidais que alberga no seu interior:
- A Lagoa de Vixán, de auga doce, formouse ao quedar pechada por unha franxa de area, aliméntase de arroios e mananciais.
- Doutra banda, atópase a Lagoa do Carregal, de auga salgada, por permanecer en parte comunicada co mar.
E como en toda Galicia, aquí tamén hai vestixios do pasado dos primeiros habitantes destas terras, podendo visitar O Castro de Porto de Baixo, os petróglifos da Pedra dás Cabras, o Dólmen de Axeitos. Xa posteriores, os muíños restaurados e as “Telleiras ou fornos de tella”, antigas fábricas de tezas.
Se falamos da súa flora e fauna, debemos dicir, que acharemos nelas vexetación propia destas zonas, atopando algunhas plantas endémicas, como as que existen nas dunas e nos humidais, calcúlanse aproximadamente unha vintena de diferentes familias vexetais. En canto á fauna, o que máis destaca é o número de aves que alí invernan, preto dunha corenta de especies; pero non hai que esquecer a outros “animais”, como réptiles e anfibios, hai unha trintena de especies diferentes entre os dous grupos.
