Foto©Porgaliciabaixo
Situado nunha paraxe espectacular, á beira mesmo do Río Miño. Hai dous tipos de termas neste lugar, as pozas públicas e gratuitas e as privadas.
As Privadas:
Trátase dunhas instalacións de dúas plantas; na parte superior atópase situada a cafetería – restaurante, cunha gran terraza no exterior sobre as piscinas e con vistas marabillosas ao río, e con outra zona no interior do edificio.
Nesta primeira planta tamén se atopan os vestuarios para os usuarios das termas, que na súa equipamiento inclúe taquillas, servizos e duchas.
Na planta inferior conta con piscinas e jacuzzi cubertos, e na zona exterior axardinada, atópase o resto das pozas, jacuzzi e unha gran piscina con diferentes tipos de chorros (Spa).
Nestas termas existen cirucuitos termais perfectamente sinalizados. O ambiente é sumamente relaxante de estilo xaponés, todo invita ao relax, a música suave de fondo, a ausencia do ruído, o son do auga do río Miño que transcorre aos pés deste espazo, o aroma da herba e das plantas aromáticas alí existentes.
Por si todo iso fóra pouco, nestas termas ofrecen tamén servizos e tratamentos de beleza, tales como masaxes, sauna ou baños especiais baseados nas propiedades medicinais das propias augas e a aromoterapia.
Tamén poderás adquirir produtos cosméticos baseados nas propiedades medicinais destas augas.
As augas son de mineralización débil, alcalinas, fluoradas e bicarbonetadas. Flúen na fractúra da roca granítica a unha temperatura aproximada de 60º
As pozas públicas ou gratuitas:
Son igualmente como as privadas o mesmo tipo de augas e á mesma temperatura (aclarar neste punto que lóxicamente esta temperatura é rebaixada para o seu uso).
Nesta área das pozas gratuitas hai dúas zonas diferenciadas que separan a pasarela peatonal, unhas son coñecidas como “Burgas de Canedo” e as outras como “Pozas de Outariz”.
Todo iso atópase nunha contorna marabillosa que chega á mesma beira do Río Miño en plena natureza, a zona está totalmente axardinada con flores e plantas aromáticas e grandes praderas de herba, todo perfectamente coidado. O acceso é peatonal, e só son permitidas as bicicletas. Os coches han de quedar alén da pasarela peatonal, onde hai un parking.
Estas termas gratuitas contan con todas as comodidades, duchas de auga frías e quentes, bancos, cafetería e tamén, por suposto, servizos e aseos.
Tanto para chegar ás pozas gratuitas ou privadas sen utilizar o vehículo particular, debemos facelo da seguinte forma:
-Paseando a pé, non se atopan lonxe da cidade e existe unha ruta peatonal, moi transitada, porque ademais é un bonito paseo.
-En transporte público collendo o autobús da liña 5 (Ceboliño – Reza)
-En transporte público collendo o tren turístico que parte da Praza Maior da cidade, con diferentes paradas na mesma. Este pequeno tren-autobús, deixaranos ás portas mesmas de diferentes termas, ademais das de Outariz, sendo estas a última parada.
-E como dixemos antes, si vas en coche, ten que ser collendo a estrada OU – 402 e máis ou menos aos tres quilómetros, atoparasche coas pozas alén do río. Podes aparcar no parking gratuito, ao aire libre e cruzar a pasarela sobre o río Miño paseando, e xa che atoparás nas termas de Outariz.
Vídeo
